النهاردة كان المفروض أروح أرفع مقاسات الشقة.. البيت.. بيتنا :).. لقيت نفسي مصدعة وملحقتش أروح، مش وقت كسل خالص اليومين دول.. ونظام لم المنهج في آخر كام ساعة دة :))
بس رضوى صاحبتي الأنتيخ جاتلي البيت.. واتكلمنا كتير.. أكتر حاجة ثبتت في دماغي من الكلام اني فعلًا افتكرت اني من سنة واحدة بس كانت عندي خطة تانية مختلفة تمامًا لنفسي.. إلى جانب هوس السفر، كنت بدور ليل نهار على منح عشان أدرس برة سنة ولا اتنين.. كنت شايفة ان البلد دي بكل اللي فيها هتقدر تموت فيا أي قدرة على الحياة.. كنت كارهة الرجالة وسنينهم، وشايفة ان الحب اشتغالة احنا اللي بنقنع نفسنا بيها، وان الجواز هو المنظومة اللي بتثبت انها اشتغالة فعلًا
لو كنت قلتلي من سنة إني كمان سنة هكون بحجز الفرح وتذاكر شهر العسل كنت هبتسم ابتسامة بهتانة وأقولك: كفاية كدب وكلام تنمية بشرية بقى!
احنا اتقابلنا ازاي؟ قرينا لبعض زي ما أي اتنين بيقروا لبعض في زحمة الكتابة ع النت.. كنا متخيلين اننا هنقدر نكلم بعض على أرض الواقع؟.. لأ.. أرواحنا اتلاقت ازاي؟ معرفش" مع إشارة بالصباع للسما".. وصلنا ازاي لإننا يلا نتجوز وش كدة؟ إحساس مشترك إننا نعرف بعض من زمان ومش محتاجين فترة أكبر للتأكيد.. طب طلعنا عارفين بعض فعلا؟ أيوة عارفين، بس دة لا يمنع ان كل يوم بنعرف حاجات أكتر.. واللي متخيل ان الوقت هو اللي بيخليه يجيب آخر فلان يعني يبقى بيضحك على نفسه.. بير ملوش قرار ياخوية والله، كل واحد مننا بير ملوش قرار..
كل اللي عايزة أقوله إنك مهما كنت في أي حالة أو أي ظرف أو تحت تأثير أي قناعة دلوقتي.. ماتتخيلش أبدًا إنك عارف ايه اللي هيحصل..
رحمة الله عليه أول من قال: تبات نار تصبح رماد :)
بس رضوى صاحبتي الأنتيخ جاتلي البيت.. واتكلمنا كتير.. أكتر حاجة ثبتت في دماغي من الكلام اني فعلًا افتكرت اني من سنة واحدة بس كانت عندي خطة تانية مختلفة تمامًا لنفسي.. إلى جانب هوس السفر، كنت بدور ليل نهار على منح عشان أدرس برة سنة ولا اتنين.. كنت شايفة ان البلد دي بكل اللي فيها هتقدر تموت فيا أي قدرة على الحياة.. كنت كارهة الرجالة وسنينهم، وشايفة ان الحب اشتغالة احنا اللي بنقنع نفسنا بيها، وان الجواز هو المنظومة اللي بتثبت انها اشتغالة فعلًا
لو كنت قلتلي من سنة إني كمان سنة هكون بحجز الفرح وتذاكر شهر العسل كنت هبتسم ابتسامة بهتانة وأقولك: كفاية كدب وكلام تنمية بشرية بقى!
احنا اتقابلنا ازاي؟ قرينا لبعض زي ما أي اتنين بيقروا لبعض في زحمة الكتابة ع النت.. كنا متخيلين اننا هنقدر نكلم بعض على أرض الواقع؟.. لأ.. أرواحنا اتلاقت ازاي؟ معرفش" مع إشارة بالصباع للسما".. وصلنا ازاي لإننا يلا نتجوز وش كدة؟ إحساس مشترك إننا نعرف بعض من زمان ومش محتاجين فترة أكبر للتأكيد.. طب طلعنا عارفين بعض فعلا؟ أيوة عارفين، بس دة لا يمنع ان كل يوم بنعرف حاجات أكتر.. واللي متخيل ان الوقت هو اللي بيخليه يجيب آخر فلان يعني يبقى بيضحك على نفسه.. بير ملوش قرار ياخوية والله، كل واحد مننا بير ملوش قرار..
كل اللي عايزة أقوله إنك مهما كنت في أي حالة أو أي ظرف أو تحت تأثير أي قناعة دلوقتي.. ماتتخيلش أبدًا إنك عارف ايه اللي هيحصل..
رحمة الله عليه أول من قال: تبات نار تصبح رماد :)
ليست هناك تعليقات:
إرسال تعليق