يعني ايه بقى الكلام دة؟ o.O
41 يوم يعني شهر و11 يوم.. شهر اللي هو 4 أسابيع.. الأسبوع اللي بيبتدي بالحد ويبقى فاضل 4 ايام ويخلص.. اليوم هو اللي بنصحى فيه متأخرين ونقوم جري عشان نلحق نصبح على بعض من الشغل ونخلص بسرعة عشان تيجي الساعة 6 عشان نتقابل.. وبعدين تيجي الساعة 9 وتلت فنتخض اننا متأخرين ونطلع نجري نروّح.. ونتمشى المشوار اليومي من وسط البلد للسيدة إلا لو كنا بردانين.. فناخد تاكسي ونتخانق مين اللي هيدفع.. وبعدين نروح، تطمني انك وصلت ونتفق: هتاكل وتشرب الشاي وبعدين تكلمني.. تيجي الساعة 11 وتلت -بردو- فتتخض اني ممكن أكون نمت على نفسي.. تكلمني وانا مسمعش عشان الموبايل جوة وانا واقفة في المطبخ.. فتفتكر اني نمت فعلًا، وقبل ماتفقد الأمل إنك هتسمع صوتي قبل ماتنام أكلمك وأقولك اني مسطولة ومسمعتش الموبايل.. وأقعد أتاوب كل كلمتين وأضحك على أي حاجة عشان أنا بضحك لما أكون عايزة أنام.. وتقولي تصبحي على حجازي، ولو غيّرتها لـ أصبح على ريهام فأنا أتلخبط وأقولك وانت من أهل الحجازي..
41 يوم يعني 41 مضروبتننن في كل اللي فات دة، استعدادًا لإننا نفوّره ونبتدي من جديد مش كدة؟
ماشي.. جاست شيكينج ^_^
41 يوم يعني شهر و11 يوم.. شهر اللي هو 4 أسابيع.. الأسبوع اللي بيبتدي بالحد ويبقى فاضل 4 ايام ويخلص.. اليوم هو اللي بنصحى فيه متأخرين ونقوم جري عشان نلحق نصبح على بعض من الشغل ونخلص بسرعة عشان تيجي الساعة 6 عشان نتقابل.. وبعدين تيجي الساعة 9 وتلت فنتخض اننا متأخرين ونطلع نجري نروّح.. ونتمشى المشوار اليومي من وسط البلد للسيدة إلا لو كنا بردانين.. فناخد تاكسي ونتخانق مين اللي هيدفع.. وبعدين نروح، تطمني انك وصلت ونتفق: هتاكل وتشرب الشاي وبعدين تكلمني.. تيجي الساعة 11 وتلت -بردو- فتتخض اني ممكن أكون نمت على نفسي.. تكلمني وانا مسمعش عشان الموبايل جوة وانا واقفة في المطبخ.. فتفتكر اني نمت فعلًا، وقبل ماتفقد الأمل إنك هتسمع صوتي قبل ماتنام أكلمك وأقولك اني مسطولة ومسمعتش الموبايل.. وأقعد أتاوب كل كلمتين وأضحك على أي حاجة عشان أنا بضحك لما أكون عايزة أنام.. وتقولي تصبحي على حجازي، ولو غيّرتها لـ أصبح على ريهام فأنا أتلخبط وأقولك وانت من أهل الحجازي..
41 يوم يعني 41 مضروبتننن في كل اللي فات دة، استعدادًا لإننا نفوّره ونبتدي من جديد مش كدة؟
ماشي.. جاست شيكينج ^_^
ليست هناك تعليقات:
إرسال تعليق